Monday, September 18, 2006

Kamus Bahasa Betawi

Mungkin nggak semue orang bisa nyadarin kalu bahase nyang selame eni ude jadi bahase pergaulannye entah bisa kerne mangkin jarangnye orang nyang ngomong pake tu bahase atawe kerne diyenye kendiri nyang malu kalu ngegunain tu bahase.

Sebenernye Bahase Betawi itu sipatnye Universal atawe ude umum. Kesatunye gampang dipelajarin dan dingertiin. Kedua ampir banyak tutur bahasa dari Jakarte eni nyang mirip dengan bahase Indunesie, cuman nambahin huruf "e" doang dibelakangnye jadile tuh orang dibilang ngomong Betawi...

"MENEKETEHE" ini semacam istilah nyang dicobain ame hampir semua orang yang nyobain bikin pelesetan dengan make bahasa Betawi.. tetap aje rada janggal kedengerannye. Tapi, bolehlah bahasa Betawi ini dimasukin kedalem bahase nyang paling gampang nyerep omongan orang laen. Pade prinsipnye gampang dan baek dipakenye.

Noh liat, begitu banyaknye artis nyang asalnye dari mane tauk nyang coba nyari duit ame menuhin isi pendaringan pake bahasa Betawi dan bisa nunjukin pade semua penonton kalu diye ude pandei betul ngomong dialog Betawi ampe diye-diye pade bahkan bisa nyingkirin artis-artis betawi nyang aslinye. Padahal mungkin mereke semue nggak seberape pengetahuannye ame beberape bahasa Betawi. Nyang penting tinggal ngeganti akhir kate pake huruf "e" aje juga dirasain udah cocok banget. Nah, ampe-ampe ade artis nyang maen sinertro betawi mau bilang empat … eh jie kepleset jadi empet, padahal jelas-jelas ude bede antare kate empat.. ame empet.. kalu empet pan artinye sebel..

Nah, melaluin tulisan eni ane nyoba menggali beberapa bahase atawe istilah betawi nyang hampir2 udah kagak kedengeran baek di sinetron-sinetron bergaye Betawi atawe di tempat pergaulan laennye.. emang kagak seberape sik.. paling-paling buat nambahin iseng doang.. kalu ade tambahan juge insya-Alloh bakalan ane penuhin atawe ane tambahin de.. baek juge sih buat ente-ente nyang sekedar pengen tauk. Jadi ade hurup nyang emang sengaje ane kosongin soale ane lupe dan masing kepengen nyari lagi kata betawi laennye.

Wassalam,

Bapaknye si Tasha

KAMUS BAHASA BETAWI

A
Abong-abong, mentang-mentang
Ampeg, bau yang enggak enak dihidung seperti bau keringat orang.
Ancak, tempat sajian

B
Bacot, omongan
Bagen, biarin
Bancakan, rame-rame
Bego, dungu atau bodoh
Be, artinye berulang-ulang contoh : Bersin-bersin jadi bebangkis
Bebangkis, bersing-bersin
Beberekan, teriak-tereak
Beset, istilah untuk kata keset yaitu menarik kulit dari daging
Betoros, istilah untuk rangkaean nyang nggak teratur seperti buat buah yang banyak banget satu takeannye
Bingkle, Bete, Kedepe, pecahan genteng yang biasa dipake buat maen kasti
Boreh, melapisin biasanya dengan ramuan atau obat dari dedaunan
Bontot, terakhir
Budeg, pekak

C
Cablak, banyak ngomong
Cabo, perempuan malam (PSK)
Celam-celam, kalu ngeliat makanan sampai ngiler
Celeng, babi atau kepalanye ame badannye ampe muter-muter
Cemplung, cebur masuk kesuatu wadah
Cetom, artinye rakus
Cidekan, inceran
Congor, mulut

D
Demplon, montok
Dokok, rakus
Dongo, dungu
Dipan, tempat tidur

E
Embok, kakak ipar perempuan
Empan, umpan atawe semacem makanan buat binatang peliharaan
Engkong, kakek

G
Gegares, artinye makan mulu
Gepeng, pipih
Geroin, artinya dipanggil dengan teriak karena ingin mengetahui keberadaan seseorang yang sedang dicari tersebut.
Goban, lima puluh rebu (cina)
Gocap, lima puluh (cina)
Goceng, lima rebu (cina)
Gopek, lima ratus (cina)
Gotun, lima perak (cina)
Gregetan, sewot, emosi

H
I
Ilokan,
In, akhiran kan atau i, contoh meramaikan jadi ngerame-in, mengelabuhi jadi ngelabuin

J
Jabrah, badannye gede
Je, Jenye, Dienye, dia
Jidir, panci

K
Kang, Tukang, orang yang berjualan atau yang lagi bekerja atau profesinye jadi pekerja
Ke hamuk, banyaknye orang nyang berkerumun saking banyaknye
Kelam, adalah pinggiran jendela yang biasanye dipake buat naruh sesuatu
Kemplang, memukul kepala dengan menggunakan alat pukul dari arah samping
Kitiran, puteran semacem kincir dibuat dari bambu
Kotan-kotan (bahasa daerah Kebon Jeruk) yang istilahnye sama dengan "kadang-kadang"

L
Lantaran, sebabnye
Lekar, alat semajam jengkok tapi digunain buat ngaji
Lek-lekan, letaknye dipangkal leher diatas jakun.
Leker, enak banget (biasenye buat makanan)

M
Mangkenye, makenya, artinye beralasan dengan nesehatin orang
Manyun, cemberut
Mindo, artinye makan setelah makan wajib (biasanye orang nyang makan lagi beberapa saat sehabis diye makan siang).
Medel, gepeng, pipih
Meleding, telanjang dada (buat laki-laki)
Menggat, buron

N
Nyabak, nginjek atawe menjelajahin
Ngambreng, baunye nyebar kemane-mane
Ngamprah, tersebar ke mane-mane
Nge- , artinye me .. (contohnye melamar jadi ngelamar)
Ngegang, jalan seseorang dengan kaki nyang mengkang
Ngerambat, memetik ujung daun nyang biasanye buat ngelalap
Ngompreng, sambilan atawe nyambi buat ngedapeting penghasilan tambahan
Nutur, munguting
Nyai, Nenek

O
Ongkang-Ongkang Kaki, Bermales-malesan

P
Pacekan (bahasa daerah Kebon Jeruk), istilah ini bisa dipake kalu kita nganggap sesuatu itu bakal jadi bibit buat dikembangbiakin jadi banyak. Misalnye ayam jago atawe kambing bandot nyang bagus biasa dijadiin bibit unggul buat nurunin anak-anaknye atau ade jenis bibit pohonan nyang entah buahnye bagus, kembangnye bagus yang pada akhirnya mau dijadiin bibit unggul. maka tuh ayam atawe kambing atawe pohon disebut sebagai Pacekan.
Pangkeng, tempat tidur atau bise juge artinye kamar tidur
Pating, buat atawe untuk
Permili, keluarge atawe hubungan keluarge
Pisan, sedikit pun
Popol, menutup permukaan tubuh atau puser dengan dedaunan
Prengus, semacam bau rambut terbakar

R
Ringksek, rusak
Reken, hitung
Restan, sisa

S
Saking, sedemikian lamenye
Samsi, sodet
Seceng, seribu (cina)
Semetet, artinye sedikit
Semok, montok
Sewaya-waya, artinye sekonyong-konyong atawe saat ini juga
Sewot, emosi
Sobek, sobrek, istilah menunjukkan kegiatan melakukan perobekan atau menunjukkan keadaan barang yang rusak akibat terkoyak.
Sombok, spiker /toa
Songko, artinye gande bise di angkat hingga tangan si pengakat diatas kepala sambil bediri, bisa juga artinye pici buat orang sembahyang.
Sundung, semacam alat yang digunakan buat nyari empan kambing (seperti rumput duri badak atawe empanan laennye.

T
Tatak, alas
Teblak, tamparan di belakang punggung dengan telapak tangan
Tengari bolong, artinye pas matahari lagi sedeng panas panasnye
Teple-on, kesandung sampai kesleo
Tepleot, same dengan teple-on
Timpe, memukul dengan tangan
Tisi, sendok
Toyor, mendorong jidat seseorang dengan telapak tangan
Tunceng, digendong dengan care dijunjung atau ditaruh di atas pundak
Turu-turu (seturu), sekelompok atawe kelompok

U
W
Y

24 Comments:

Anonymous iir said...

Om...getem-getem kalo kage sale juga bahasa betawi artinye..setau aye ...sama ama kesel ape geregetan gitu....

7:35 AM  
Blogger ebbie_28 said...

ok th bang,,ane resep dah ma tulisan abang nyang di atas...
msh bnyk lg bang kamus2 nyang laen,,
kpn2 dah ane bantuin bikin kamus betawi!!!!!!
ngomong2, AMPEG
ntu artinya susah benapas....!!!!
kl bau keringet ntu namanya apek!!!

10:27 PM  
Anonymous Anonymous said...

Cucian demek juga ampeg bang :)

9:58 PM  
Blogger luckman luke said...

Cakep bang... dikumpulin terus perbendaharaan katanya bang. Udah ada belum sih kamus betawi yg dah dibuku'in

6:45 AM  
Anonymous ramadona said...

bang..ane juga sbenernya kturunan betawi dari kakek (ngkong kali ye)..cuman ne babe lahir di Medan dan saye lahir di pekanbaru..scara mo napak tilas ne bang..saye pengen balik ke akar lagi..pengen ngarti lagi budaye nene moyang..ade jual kaga ne kamus betawi bang?..trus saye jadi sangsi mo ngakuin kampung ame suku ane..soalnye ngaku melayu skeluarge kaga ada nyang asli kturunan mlayu cuman lahir doang di sumatera..ngaku betawi kok..spertinye udah tercabut dari akarnye..gimane ne bang..masalahnye ne identitas diri juge..
wassalmualaikum.

9:28 PM  
Anonymous Anonymous said...

tolong ya minta bahasa betawinya. tolong ya ! makasih

Abu
Air
Akar
Aku
Alir(me-)
Anak
Angin
Anjing
Apa
Api
Apung
Asap
Awan
Bagaimana
Baik
Bakar
Balik
Banyak
Bapak
Baring
Baru
Basah
Batu
Beberapa
Belah(me-)
Benar
Benih
Bengkak
Berenang
Berjalan
Berat
Beri
Besar
Bilamana
Binatang
Bintang
Buah
Bulan
Bulu
Bunga
Bunuh
Buru(ber-)
Buruk
Burung
Busuk
Cacing
Cium
Cuci
Daging
Dan
Danau
Darah
Datang
Daun
Debu
Dekat
Dengan
Dengar
Didalam
Di,pada
Dimana
Dingin
Diri(ber-)
Disini
Disitu
Dorong
Dua
Duduk
Ekor
Empat
Engkau
Gali
Garam
Garuk
Gemuk
Gigi
Gigit
Gosok
Gunung
Hantam
Hapus
Hati
Hidung
Hidup
Hijau
Hisap
Hitam
Hitung
Hujan
Hutan
Iya
Ibu
Ikan
Ikat
Ini
Istri
Itu
Jahit
Jalan
Jantung
Jatuh
Jauh
Kabut
Kaki
Kalau
Kami,kita
Kamu
Kanan
Karena
Kata(ber-)
Kecil
Kelahi(ber-)
Kepala
Kering
Kiri
Kotor
Kuku
Kulit
Kuning
Kutu
Lain
Langit
Laut
Lebar
Leher
Lelaki
Lempar
Licin
Lidah
Lihat
Lima
Ludah
Lurus
Lutut
Main
Makan
Malam
Mata
Matahari
Mati
Merah
Mereka
Minum
Mulut
Muntah
Nama
Napas
Nyanyi
Orang
Panas
Panjang
Pasir
Pegang
Pendek
Peras
Perempuan
Perut
Pikir
Pohon
Punggung
Pusar
Putih
Rambut
Rumput
Satu
Sayap
Sedikit
Siang
Siapa
Sempit
Semua
Suami
Sungai
Tajam
Tahu
Tahun
Takut
Tali

Tanah
Tangan
Tarik
Tebal
Telinga
Telur
Terbang
Tertawa
Tetek
Tidur
Tiga
Tikam
Tipis
Tiup
Tidak
Tongkat
Tua
Tulang
Tumpul
Ular
Usus

5:04 PM  
Blogger P0j0k 1231 said...

bang aye bkan orng betawi.. tpi aye tertarik bwat beljar bhsany..
apalgi di indonesia bhasa betwi udh lmyan t dkenal ame byak orang "apa krna pnya cri khas dan dya tarik atau sbtas krna jakarte tmpat pusatnye sgla kegiatan publikasi e..?"
aye bggu bang, bsa kasih pendapat??

1:06 PM  
Blogger Kalman Kusnadi said...

Bang , ente betawi nya belah mana, rada beda dikit bahasanya ma daerah ane, ane di cakung, jakarta timur

2:57 PM  
Anonymous Anonymous said...

bang/mpo...arti nya Made Kipe apa bang/mpo......

12:56 PM  
Blogger KELHETZ TEAM said...

padasan kamar mandi dah belon pangkeng kamar tidur trus aye liat dan pernah denger tentang encing ma encang di artiin pamana ma bib padahal klw aye sih encing itu bisa laki bisa perempuan artinye adik dari ortu bhsa jawanya bulik palik klw encang juga gitu laki atw cewek artinye kaka dari ortu kalo jawanye bude pade klw uwak tuh kan betwi pingiran sunda jadi uwak tp keluarge aye mah kagk ade uwk tuh

10:46 PM  
Blogger KELHETZ TEAM said...

bang ampeg itu bengek bukan yg laen karna rang betwi itu suka ma kiasan bahasa liat cucian kotor atawa yg ga enak juga di bilang ampeg padahal maksudnya bisa bengek deh gw

10:52 PM  
Blogger KELHETZ TEAM said...

maapin ye bank bukan sok tau kalau ngliat makanan ampe ngiler namenye gelor bukan celam celam krna celam celam itu celamitan

10:56 PM  
Blogger KELHETZ TEAM said...

belengkok = belok
lurus = lempeng
pusing = pengeng
jatoh tengkureb = nyungseb
dikagetin = gentak
seteleng = rak piring
padasan = kamar mandi
cepol = di tampar
oh ye klw ma orang yg lebih tua ga boleh mong elu gw kagak sopan mong nye aye = saya
ratu roko=abu roko
ampas = sepa
bebenah = yg aye tau nyuci piring
bererod= beriringan
ngelengking=nyaring
kejedod=kepentok
selonjoran=ngelurusin badan /istirahat
gimane = bagaimana
nganggal=apung atau ngambang
bonyok=busuk
nganjal =jalan jalan melulu
kebot = kiri
klw mong ma rang tua juga ade tata kesopanannya ngbacot ga blh di gunakan yg bagus ngomong...ape lagi mong bangsat lo(tumbila binatang kecil yg nyempil di kasur atawa bangku kayu rotan)ape lagi mong mak di kipe kagak boleh banget bang tuh omongan buat berandalan jawara yg kagak tau sopan santun bang

11:21 PM  
Blogger KELHETZ TEAM said...

oh ye ane rang betawi kampung pecandran kbyran baru dulu engkong ane tukang buah jalan dari kampung pecandran ampe kota. anak cucunye macem aye di ajarin bahsa yg baek yg sopan yg halus jd ade bahase betawi yg aye kagak ngerti karne kagak pernah di pake ataw di ajarin ma ortu dan engkong ane

11:33 PM  
Blogger abhan creative said...

assalamu'alaikum...

bang... ane demen dah bacanya tuh tulisan, ampe cengar-cengir kendiri bacanye, mungkin udh hampir kaga ade yang pake tuh bahasa.
mohon ijin copas ya bang...??

3:39 PM  
Anonymous Acex said...

Numpang nambahin dikit, ane bukan orang betawi tapi kalo ngomong logatnya udah kaya orang betawi karna ane lahir di jakarta, gede di tangerang.
Beda yg paling jelas antara bahasa betawi pinggir ama betawi kota cuma di pengucapan A ama E doang.
Contoh Gua ama Gue, Aya ama Aye, Baba ama babe.
Contoh dialek betawi kota=Benyamin S ama Ida royani, contoh dialek betawi pinggir=Mandra ama Bokir.

Gableg=punya
Engka=ngga ada
Kagak=ngga
Boncos=sampah
Payeng=puyeng
Boyot=reot
Godot=motong pake gergaji
Biluk=belok
Garot=gigit
Bendo=golok
Buseh/buseng/bujug=seruan tanda lagi kaget
Pencot=pengkor
Jantra=nyata
Moneng=biji jambu mede
Cireng=jereng
Koredan=kerak
Demeg=rada lusuh/basah
Angot=kumat
Godek/godet=nengok
Tampol=tonjok
Cepol=pukul
Poles=jitak pelan2
Beser=kencing
Empos=nyubit di plintir
Kokob/uyub=minum di tenggak
Gasongan=ikan gabus
Kocolan=anak ikan gabus
Keduman=kesampean
Lewe=meletin lidah
Bege=bego
Kicep=kuncup
Bentek=jelek

Bahasa bisa beda di beberapa tempat.

1:17 AM  
Blogger Firza Alfadrian said...

Nombok = Nalangin
Doyan = Suka
Bangkotan = Tua
Jurig = Hantu
Jamban = Tempat Buang Air Besar
Bondol = Rambut pendek
Pere = Libur
Songong = Tidak sopan
Nonok = Kemaluan Wanita
Boker = BAB
Borok = Bekas Luka
Aer = Air
Maen = Main
Cablag = Lepas kontrol
Beler =
Mokad = Mati
Nete = Menyusu
Mondar-mandir = Bolak-Balik
Nyungsep = Jatuh kebawah
Begah = Kenyang

8:33 AM  
Blogger ramdani dani said...

ane demen masih ada yg peduli dengan bahasa betawi, aye tambahin 1 aje. PEJAJARAN, jire2 ada ygtau gak artinye

9:24 AM  
Anonymous Anonymous said...

Bang ...istilah cepol bukan ditonjok ya....slam aye dari rawa belong...tapi bang semua daerah punye ciri khas kata masing..dri tempat aye ke joglo aj beda ape lagi ke cedoya or cengkareng beda banget padahal masih dibarat...

9:57 AM  
Blogger Bang Bek said...

Izin Share ye Bang.

9:50 AM  
Blogger azmiadul said...

This comment has been removed by the author.

6:48 AM  
Blogger azmiadul said...

Ngajog = Menyesal

cth :
ono bocah maren minta beliin peda kaga ngarti, karang lg ngajog aje lantaran ngeliat peda temennye nyang bagusan lagi.

mksdnye :
itu bocah (anak kecil) kemarin minta dibeliin sepeda nggak ngerti (minta dibeliin sepeda dengan cara merengek-rengek pada orang tua/siapapun), sekarang lg nyesel (menyesal) aja gara-gara melihat sepeda temennya yang lebih bagus lagi.

6:56 AM  
Anonymous Anonymous said...

misi abang abang. Artinya P.A yang biasa di sebutsebut dalam sinetron itu apasih?

8:27 PM  
Blogger Adelia Anjayani said...

Bagus banget dah bang betawi nye, kagak salah kalo betawi itu kudu dilestarikan. aye jadi tertarik juge ame bahase nye :D

7:41 PM  

Post a Comment

<< Home